សាកលភាវូបនីយកម្ម និង គុណសម្បត្តិ

សាកលភាវូបនីយកម្មគឺជាដំណើរការនៃអន្តរកម្ម និងសមាហរណកម្មក្នុងចំណោមប្រជាជន ក្រុមហ៊ុន និងរដ្ឋាភិបាលនៃប្រជាជាតិផ្សេងៗគ្នាដែលធ្វើឡើងដោយពាណិជ្ជកម្ម​​ និងការវិនិយោគអន្តរជាតិ ដែលសម្របសម្រួលដោយ ការអភិវឌ្ឍន៍បច្ចេកវិទ្យាព័ត៌មាន។ ដំណើរការនេះមានឥទ្ធិពលលើបរិស្ថាន វប្បធម៌​​​ ប្រព័ន្ធនយោបាយ ការអភិវឌ្ឍសេដ្ឋកិច្ច និងវិបុលភាពនិងសុខុមាលភាពរាងកាយមនុស្សនៅក្នុងសង្គមជុំវិញពិភពលោក។

អត្ថប្រយោជន៍នៃសាកលភាវូបនីយកម្ម៖

ក. ពាណិជ្ជកម្មសេរីគឺជាមធ្យោបាយមួយសម្រាប់ប្រទេសនានាដើម្បីផ្លាស់ប្តូរទំនិញនិងធនធាន

នេះមានន័យថាប្រទេសនានាអាចមានជំនាញក្នុងការផលិតទំនិញអ្វីមួយ ពួកនឹងទទួលបានផលចំណេញពីពាណិជ្ជកម្ម៖

១-តម្លៃទាបសម្រាប់អ្នកប្រើប្រាស់

២- ជម្រើសទំនិញកាន់តែប្រសើរ ឧទាហរណ៍ការនាំចូលចំណីអាហារអាចជួយឱ្យប្រភេទបម្ហូប

អាហារកាន់តែមានច្រើន

៣- អាចនាំចេញធំជាងមុនសម្រាប់ក្រុមហ៊ុនផលិតក្នុងស្រុក

៤-. ការប្រកួតប្រជែងកាន់តែខ្លាំង

ខ. ចលនាកម្លាំងពលកម្មដោយឥតគិតថ្លៃ

ការកើនឡើងនៃការធ្វើចំណាកស្រុកផ្តល់នូវគុណប្រយោជន៍ដល់ទាំងកម្មករនិងប្រទេសអ្នកទទួលកំលាំងពលកម្មទាំងនោះ។ មានន័យថា ជារឿងល្អសម្រាប់ប្រទេសដែលមានប្រជាជនគ្មានការងារធ្វើ ដើម្បីចំណាក់ស្រុកដើម្បីទទួលបានការងារ ហើយដោះស្រាយបញ្ហាចំពោះប្រទេសដែលខ្វះកំលាំពលកម្មក្នុងផលិតកម្ម។

គ. កំណើនeconomies of scale ( Economic of Scale means increasing production and lowering costs)

ផលិតកម្មមានជំនាញកាន់តែខ្លាំងឡើង។ សាកលភាវូបនីយកម្មអាចធ្វើអោយទំនិញត្រូវបានផលិតនៅក្នុងផ្នែកផ្សេងៗនៃពិភពលោក។ មានន័យថា ប្រទេសដែលមានជំនាញខាងផលិតទំនិញណា គួរតែខិតខំផលិតទំនិញប្រភេទនោះ ដោយសារពួកគេមានឧត្តមភាពប្រៀបធៀបក្នុងការផលិត ដែលអាចផលិតបានក្នុងចំនួនច្រើន និងចំណាយថ្លៃដើមទាបបើធៀបនឹងប្រទេសដទៃ ក្នុងការផលិតទំនិញប្រភេទតែមួយ។

ឃ. ការប្រកួតប្រជែងកាន់តែខ្លាំង

សកលភាវូបនីយកម្ម នឹងមិនអនុញ្ញាតិឡើយអោយមានការលក់ផ្តាច់មុខពីក្រុមហ៊ុនក្នុងស្រុក ។ ទោះយ៉ាងណាសាកលភាវូបនីយកម្មមានន័យថាក្រុមហ៊ុនប្រឈមនឹងការប្រកួតប្រជែងកាន់តែខ្លាំងពីក្រុមហ៊ុនបរទេស។ អតិថិជននឹងត្រូវបានទាក់ទាញដោយក្រុមហ៊ុនណាដែលមានផលិតផលណាដែលមានគុណភាព និងតម្លៃសមរម្យជាងគេ។

ង.បង្កើនការវិនិយោគ

វាបានបង្កលក្ខណៈងាយស្រួលសម្រាប់ប្រទេសនានាក្នុងការទាក់ទាញការវិនិយោគរយៈពេលខ្លីនិងរយៈពេលវែង។ ការវិនិយោគរបស់ក្រុមហ៊ុនពហុជាតិអាចដើរតួនាទីយ៉ាងសំខាន់ក្នុងការធ្វើឱ្យប្រសើរឡើងនូវសេដ្ឋកិច្ចរបស់ប្រទេសកំពុងអភិវឌ្ឍន៍។

ច. ទទួលបានការយល់ដឹងពីវប្បធម៍បរទេស

សាកលភាវូបនីយកម្មធ្វើឱ្យមានភាពងាយស្រួលជាងពេលណាទាំងអស់ក្នុងការទទួលយកវប្បធម៌បរទេសរួមទាំងម្ហូបអាហារ ភាពយន្ត តន្ត្រី និងសិល្បៈ។

ឆ. ការរីករាលដាលនៃបច្ចេកវិទ្យានិងការច្នៃប្រឌិត

ប្រទេសជាច្រើននៅជុំវិញពិភពលោកនៅតែមានទំនាក់ទំនងគ្នាជានិច្ចដូច្នេះចំណេះដឹងនិងបច្ចេកវិទ្យាជឿនលឿនធ្វើដំណើរយ៉ាងលឿន។ ដោយសារតែចំណេះដឹងក៏ផ្ទេរបានលឿនដូច្នេះនេះមានន័យថាការជឿនលឿនផ្នែកវិទ្យាសាស្ត្រដែលធ្វើអោយ ប្រជាជនកក្នុងទ្វីបអាស៊ីអាចធ្វើការនៅសហរដ្ឋអាមេរិកក្នុងរយៈពេលតែប៉ុន្មានថ្ងៃប៉ុណ្ណោះ។